Etorkizuna paperean
Legorretako Udalak Etxezarreta paper fabrika biziberritzeko proiektu proposamena egin dio aldundiari. Ekoizpen, aisialdi, sormen eta egitasmo gune gisa planteatu dute
Etxezarreta paper fabrikaren etorkizuneko irudia, GAC estudioak egina.
Paper fabrikaren egungo itxura.
Goieki Goierriko Garapen Agentziara jotzea izan zen hurrengo pausoa. Amenabarroren esanetan, Goiekik “berehala” ikusi zuen aukera Etxezarreta eskualdeko estrategian txertatzeko. “Ikusi zuen bestelako aukerak sor zitzakeela, herrian ez ezik eskualdean ere”. Garatzeko tokia behar dute Goiekiren barruan sortutako enpresek, eta horretarako aukera ere eskain ziezaiekeen paper fabrikak. Hala, 2016ko irailean, aldundiak diru laguntza bat eman zion Goiekiri, Goierrirako garapen iraunkorra oinarri zuen estrategia definitzeko eta proiektu bat aurkezteko. Amenabarrok azaldu duenez, proiektu horren barruan garatu da aldundiari egindako proposamena. Azken urtebetean, etorkizunerako proiektu hori prestatzen aritu da GAC arkitektura estudioa, eta irailean aurkeztu zioten aldundiari. Horrelako proiektu baten kostua “handia” izanik, proiektua gauzatzeko eta hura garatzeko finantzaketa bere gain hartzeko eskatu zioten aldundiari. “Erantzunaren zain gaude orain”, azaldu du Legorretako alkateak. 1902an sortutako fabrika Fernando Redon arkitekto nafarrak diseinatutakoa da Legorretako eraikina, eta Juan Jose Etxezarreta ezkiotarrak sortu zuen paper fabrika, 1902an. Haren garrantziaren erakusgarri, ehun bat langile zeuzkan jada gerra hasi aurretik. 1941ean hil zen Etxezarreta, eta haren suhiek segitu zuten negozioarekin. 1958rako, 223 pertsona ari ziren lanean fabrikan; urte hartan eraiki zuten bulegoen eraikina. Hasierako urteetan kartoia ekoizten hasi ziren fabrikan, eta 1916an ekin zioten papera ekoizteari. 1973an, apaltzen hasi zen langile kopurua. 2004an, berriz, La Salvadora enpresak erosi zuen, nahiz eta ordurako geldiezina zen gainbehera. Urtebete besterik ez zuen iraun La Salvadorak. 2009an Amarozek erosi arren, 2010ean utzi zion papera egiteari. Harrezkero, eraikina nola erabili pentsatzen aritu da Legorretako Udala. Iraganean herriaren motorra izan zen Etxezarreta paper fabrika, eta uste dute etorkizunean ere betekizun garrantzitsua izan dezakeela herrian eta eskualdean.“Anbizio handiko proiektua da, berritzailea, eta onura handia egingo lioke herriari berari eta eskualdeari”
“Proiektua gauzatzeko eta hura garatzeko finantzaketa bere gain hartzeko eskatu diogu aldundiari”
Zelai Amenabarro (Legorretako alkatea)
