BiTartean merkatari elkarteak opariak zozkatuko ditu bezeroen artean
Urretxu eta Zumarragako BiTartean merkatari elkarteak opariak zozkatuko ditu bere bezeroen artean, Gabonak direla eta. Zozketak larunbat honetan eta urtarrilaren 5ean izango dira. Urteroko moduan, BiTartean elkarteak Olentzero erraldoi bat
Urretxu eta Zumarragako BiTartean merkatari elkarteak opariak zozkatuko ditu bere bezeroen artean, Gabonak direla eta. Zozketak larunbat honetan eta urtarrilaren 5ean izango dira. Urteroko moduan, BiTartean elkarteak Olentzero erraldoi bat jarri du Areizaga-Kalebarren plazan eta dendetan txartelak banatzen ari da. Bezeroek txartela ebaki eta zati batean desio bat idatzi behar dute. Txartelaren zati hori Olentzeroren zakura bota behar dute. Bestea larunbateko zozketara eraman behar dute.
Zozketa Areizaga-Kalebarrenen bertan izango da, 14:00etan. 13:00etan, festa girotzeko, zumba saioa egongo da. Saria jaso ahal izateko, irabazleak bertan egon beharko dira. Zenbaki bat atera eta txartel horren jabea bertan ez badago, beste zenbaki bat aterako dute.
Bigarren zozketa urtarrilaren 5ean izango da, 13:00etan, Urretxuko Domingo Mendiaratz plazan (etxe laranjen plaza). Olentzeroren zozketan bezala, dendariek txartelak banatuko dituzte bezeroen artean eta irabazleak zozketan egon beharko dira saria jaso ahal izateko. Olentzeroren kanpaina abian da eta Erregeena datorren asteartean jarriko da abian.
