Arazoak sortzen ari da elurra

Etzegarate eta Mandubia itxita daude ibilgailuentzat. Goierrialdea autobusak zerbitzuak eten ditu momentuz. Beasainen partida bertan behera geratu da.

Goierriko Hitza

Goierri

2018/01/06

Elurra gelditu gabe ari da eguerdiaz geroztik eta bazterrak ondo zuritu ditu Goierrin, ondorioz, hainbat arazo sortzen ari da. Zenbait tokitan argi indarrarik eta Interneteko sarerik gabe daude. Errepideetan zirkulazioa zailtzen ari da. Etzegarate eta Mandubia itxita da, eta Lizarrustin, Udanan, Otsaurten eta Deskargan arretaz ibiltzeko deia egin du Trafiko Zuzendaritzak. Elur makinak lanean ari dira etengabe. Goierrialdeak jakinarazi duenez, autobus zerbitzu guztiak eten egin ditu oraingoz. Beasainek Amurrioren aurka 18:00etan jokatzekoa zuen partida bertan behera gelditu da. Azkenik, Ordizian Jakintza Ikastolako zortzi finalistekin antolatutako bertso jaialdia bertan behera gelditu da elurrak sortutako eragozpenen eraginez.