Ilara luzea Lazkaon 'Goazen'-eko aktoreen antzerkirako sarrerak erosteko
Lazkaon otsailaren 16an egingo dute ‘Goazen’ telesaileko aktoreek antzerkia. Bi emankizun egingo dituzte, 18:00etan lehena eta 20:00etan bigarrena. Sarrerak gaur (osteguna) jarriko dituzte salgai, Areria aretoko txarteldegian, 17:00etatik 19:00etara. Ilara luzea osatu da. 14:00etarako eskaileratik behera zegoen jada jendea zain, eta 16:00etan jende ugari zegoen. Bakoitzak gehienek 5 sarrera eros ditzake. 10 euro balio du batek.
Goazen fenomenoaren adierazgarria, gaur Lazkaon eratu den ilara, sarrerak erosteko./Aimar Maiz
