Ampo Ordiziako jokalariak, igandeko partida berotzen
Zaleei igandeko partidan babesa emateko deia egin diete, sare sozialetan zabaldutako bideo batekin
Pasa den asteburuan Santboianaren kontra garaipena lortu eta gero, konfiantzaz beteta daude Ampo Ordiziako jokalariak. Play offetako postuak bi puntura dituzte, eta denen bultzada beharko dute. Hori dela eta, zaleei igandeko partidara animatzera joateko eskatuz bideo bat egin dute hainbat jokalarik, denen indarrak batuta, taldeak asko lortu dezakeela uste baitute.
Etxean jokatuko dute, baina ez da aurkari erraza izango. Senor Independiente ligako hirugarren sailkatua izango baitute parez pare. Berez urte hasieran, 12. jardunaldian jokatu beharreko neurketa zuten, baina elurteagatik atzeratu egin zuten. Partida 12:30ean izango da, Altamira zelaian.
Klikatu beheko irudi kutxan bideoa ikusteko:
