Larunbaterako pilotak aukeratu dituzte Idiazabalgo pilotalekuan
Urrutikoetxea-Untoria eta Altuna-Martija bikoteak, gustura gelditu dira materialarekin
Binakako txapelketako partida jokatuko da Idiazabalgo Igarondo pilotalekuan. Urrutikoetxea-Untoria eta Altuna III.a-Martija bikoteek dute hitzordua larunbatean. Material aukeraketa burutu dute, eta gustura gelditu dira bi bikoteak aurkitu dutenarekin. Hamaikagarren jardunaldia da asteburukoa, beraz launa partida dituzte pilotariek finalerdietarako ligaxkarko pausua emateko.
Jokin Altuna eta Julen Martija bigarren postuan dira sailkapenean, 6 garaipenekin. Bikote gaztea da Aspekoa eta azken bi norgehiagokak galdu arren, maila ona erakusten ari dira txapelketan. Mikel Urrutikoetxeak bere aldetik, Alvaro Untoriarekin jokatuko du bigarrenez. Zaratamoko aurrelariak hirugarren atzelaria du errioxarra, eta azken hiru jardunaldietan punturik batu ez badu ere, larunbateko aurkariek baina puntu bat guxtiago besterik ez du. Sailkapenean bosgarren postuan daude Asegarcekoak, ondorioz, asteburuko emaitza erabakigarria izan liteke aurrera egiteko.
