Musaren Goierriko katedrala

Goierriko Hitza

2018/02/10

Muslariak, gaur arratsaldean, Argi elkartearen ondoan dagoen Urdaneta ikastetxean musean jokatzen.

Argi Berri elkarteko 41. Mus Txapelketa jokatzen ari dira oraindik ere Ordizian. 121 bikotek eman dute aurten izena –iaz 94 izan ziren–, eta muslarien artean tiradizo handia duen txapelketa dela argi uzten du kopuru horrek. 16:30ean egin duten bikoteen zozketa, eta 19:00etan, artean, final hamaseirenak jokatzen ari ziren. Gauean, 22:00ak aldera, jakingo da bikote irabazlearen izena (1.500 euro eta txapelak). Lehen sailkatuek, gainera, Espainiako Museko Mastersean parte hartu ahal izango dute. Gipuzkoako txoko ugaritatik etorri dira muslariak Ordiziara. Bikote gehienak Ordiziakoak izan dira (25), Beasaingoak 10, Donostiatik eta Lazkaotik 7na bikotek eman duten izena eta Zaldibiatik seik. Nabarmenentzeko Nafarroako Sakanatik etorritako muslari bikoteak, 9 guztira (Etxarri-Aranaztik 4, Arbizutik 2, eta Unanuatik, Lakuntzatik eta Bakaikutik bana). Joseba Ezkurdia pilotari profesional arbizuarra zen tartean. Iruñetik eta Isparterretik (Bizkaia) ere bikote bana izan da Ordizian.

Azken elkarrizketak

Azken bideoak

Argitalpen bereziak