Gipuzkoako Parketxe Sareak eta Zegamako Anduetza Parketxeak txori kantuak ezagutzeko ibilaldia antolatu dute larunbaterako. Mikel Olano adituak gidatuko du saioa, eta “zailtasunik gabeko ibilaldia” izango dela aurreratu dute, familian egiteko modukoa. Txoriak eta haien kantuak ezagutuko dituzte ibilbidean zehar.
Zegamako saioa larunbatean izango da, 10:00etan parketxetik abiatuta. Saioan parte hartzeko, aurrez eman behar da izena, 943 80 21 87 telefono zenbakira deituta edo
anduetza@gipuzkoamendizmendi.net helbidera idatzita. Pertsonako 5 euro ordaindu behar da.
