Mantentze lanak direla eta, N-1 errepidea itxi egingo dute gaur gauean, Gasteizko norantzan. Mozketa Legorreta eta Ordizia artean izango da, 426 eta 422 kilometro puntuen artean. Aglomeratu geruza konponduko dute, errepide zati horretan nahikoa hondatuta baitago. Lanak gauez egingo dituzte eta gaur gaueko 21:00etatik goizaldeko 06:00ak arte egongo da itxita.
Mozketak irauten duen bihartean, Legorretako irteeratik desbideratuko dituzte ibilgailuak, eta Gi-2131 errepidetik joan beharko dute Ordiziaraino. Goierrialdea izeneko aldi baterako enpresa batasunak egingo ditu lanak, eta desbideratzeak behar bezala seinaleztatuko dituztela azaldu dute.
