EH Sukarra taldearen kontzertua bihar Legorretan
Udaberriko kontzertu zikloaren barruan, EH Sukarra taldearen kontzertua antolatu dute Legorretako Herri Antzokian, bihar, 22:30ean. Sarrerak 6 euro balio du eta udaletxean, kultur etxean eta internet bidez www.ticketea.com web orrian eskuratu daitezke.
Desafio bertsotua ekainaren 8an
Hurrena, desafio bertsotua izango da, ekainaren 8an. Hodei Lopez legorretarra eta Imanol Iruarriz ordiziarra nork pisu gehiago altxatu ariko dira. Botilero lanetan bi bertsolari oso ezagun izango dituzte ondoan. Egun horretan eskuratutako dirua, Legorretatik Mundura erakundearentzat izango da, Hondurasen martxan duen proiektuari bultzada emateko.
