Kilometroak jaialdiko egitarauaren barruan, Eñaut Elorrieta kantariak kontzertua egingo du igandean, Urretxun. Deserriko kantak diskoaren zuzeneko emanaldia izango da, 19:00etan hasita, Tourseko San Martin elizan. Elorrieta ordea, ez da bakarrik igoko eskenatokira. Gorka Hermosa soinujole urretxuarrak ere parte hartuko du saioan. Baina baita Urretxu-Zumarraga Ikastolako abesbatzako haurrek ere. Gazteentzat “aukera paregabea” dela eta “erronkari ilusioz” heldu diotela azaldu dute antolatzaileek.
Sarrerak 10 euroan daude salgai, Urretxu-Zumarraga Ikastolan, Kilometroetako dendan, eta honako taberna hauetan: Zona Zero eta Motz (Urretxu), Arkupe (Zumarraga), Katilu (Legazpi), Plazape (Beasain), Pol Pol (Bergara) eta Txaketua eta Boga (Oñati).
