Elegunea euskara elkarteak, euskararen erabilera sustatzeko asmoz, Euskaraldia deritzon kanpaina jarri du abian. Ekimen horri jarraikiz, Legorretako Azintzio jaietan ere hainbat ekintza antolatu dituzte. Atzo, jaiak hastearekin batera, grafitilari bat izan zen lanean herriko frontoi atzean, eta belarriprest eta ahobizi irudiak pintatu zituen hantxe. Grafitia bukatuta, jaien hasierako suziria jaurtu ondoren, familia argazkia atera zuten grafitiaren ondoan. Legorretar ugari gerturatu zen ekintza honi babesa ematera.
