Play backa eta dantzaokea egin dituzte Beasainen, Loinatz Jaien harira

Goierriko Hitza

2018/05/13

Play backa eta dantzaokea egin dituzte gaur arratsaldean, Beasaingo gaztetxoenek, Bideluze plazan. Jendez bete da eszenatoki ingurua, talde bakoitzak prestatuta zeukan ikuskizunaz gozatzeko. 18:30ean hasi dute ekitaldia, eta La Salle Ikastetxeko gimnasia erritmikoko haurrek ere izan dute parte hartzeko aukera. Dantza estilo ezberdinak ikusteko aukera izan dute, beraz, gerturatu direnek. Dantza ikuskizunen ostean, 20:00etan, Granujas taldeak kale animazioa egingo du. Ondoren, 21:30etatik aurrera, Txosna Gunean karaokea antolatu dute. Igartzako Monumentu Multzoan berriz, su festa musikatuaren ekitaldia egongo da ikusgai. Granujas taldea eten baten ondoren itzuliko da, 22:55ak aldera.

Azken elkarrizketak

Azken bideoak

Argitalpen bereziak