Lau ekintza ezberdin aukeran Itsasoko udalekuetan
Izen-ematea zabalik egongo da ekainaren 20ra arte
Ekainaren 25etik uztailaren 20ra bitartean egingo dituzte aurtengo udalekuak Itsason. Lau ekintza ezberdin antolatu dituzte eta parte hartzen duten umeek lau horietatik nahi dituzten beste aukeratu ahal izango dituzte.
Izena ekainaren 20a baino lehen eman behar da Itsasoko Udaleko telefonora deituta (943 47 77 90). Udalekuen barruko ekintzetan umeek eta gaztetxoek parte hartu ahal dute. 5 urtetik beherako haurrek ere, arduradun baten zaintzapean bada, parte hartu dezakete.
Autobusa ipiniko dute eta ordutegiek saioen ordutegiekin bat egingo dute. Autobusak Alegia-Itsaso ibilbidea egingo du. Edonola ere, ordutegiak ekintzen araberakoak izango direnez, Whatsapp taldea sortuko dute eta informazioa bide horretatik helaraziko dute.
Lau ekintzak
Ekainaren 25etik 29ra Alegiako frontoia eta Ormaiztegiko igerilekuan kirol ekintza anitzak egingo dituzte, baita Itsaso ezagutzeko txangoa ere Zerkiren eskutik. Uztailaren 2tik 6ra udaleku artistikoak egingo dituzte Pott zeramikakoekin zeramika eta pintura landuz. Uztailaren 9tik 13ra hipika hastapenak, ingelesez, Ibur Hipikan eta 16tik 20era robotika eta bideo jokoen sorkuntza Itsason.
Ordutegia beti 10:20etik 13:20era izango da. 
