Izartxok festa giroan esan dio agur ikasturteari
Zumarragako La Salleko familiek ostiralean elkarrekin afalduz ikasturtea agurtu bazuten ere, larunbatean gauza bera egin zuten Izartxo aisialdi programan parte hartzen duten neska-mutilek eta hezitzaileek. Ikasle eta guraso artean, 300
Zumarragako La Salleko familiek ostiralean elkarrekin afalduz ikasturtea agurtu bazuten ere, larunbatean gauza bera egin zuten Izartxo aisialdi programan parte hartzen duten neska-mutilek eta hezitzaileek. Ikasle eta guraso artean, 300 lagun inguruk hartu zuten parte. Trebezia jolasak, paella jana, oparien zozketa, puzgarriak… izan zituzten aukeran. Izartxoko partaideei diploma bana ere banatu zieten parte-hartzea eskertuz. Diskofestarekin amaitu zuten festa. Izartxoko kideek AMPA guraso elkartearen eskertzeko laguntza izan zuten festaren antolakuntzan.
Izartxo iazko urtarrilean jarri zen martxan “gaztetxoen denbora librean giza balioak garatzeko xedez, ikasleen garapen integrala sustatuz entretenimenduko aktibitateen bitartez. Testuinguru eta erlazio eredu berrien bidez, talde nortasuna garatzera eta baloreak sustatzera bideratua dago proiektua”.
