Juan Arin ikertzailea goratzeko bigarren liburukia atera dute, Ataungo etnografiari buruzkoa
Aranzadi zientzia elkarteak, Ataungo Udalak eta Arin familiak atzo aurkeztu zuten, Ataunen, Juan Arin Dorronsoro ikertzailearen (Ataun, 1892–1972) lanekin osatutako bigarren liburukia: ‘Ataungo etnografia. Herriko bizimoduaren alderdiak’. XX.mendean zehar argitaratutako lan ugari jaso dituzte, baita sekula argirik ikusi gabeko zenbait ere. Denak Arinek idatziak dira, eta jatorrizkoa errespetatuz berrargitaratu dituzte. Jose Alberto Andres Aranzadiko etnografo ordiziarra arduratu da lanak bildu, egituratu eta apailatzeaz.
Liburua Juan Arinen Urteko bigarren emaitza da. Abenduan atera zuten lehen liburukia, jaiotzaren 125. urteurrenean, omenaldia egin ziotenean. 2018aren bukaerarako, beste lau edo bost liburuki argitaratzeko asmoan da Aranzadi, Arinek Ataungo etxeei eta baserriei buruz bildutako informazio eskergarekin.
Etnografia liburuaren 300 ale atera dituzte. Atzo saldu zituzten lehenengo aleak, 10 euroan. Aurkezpen ekitaldian, udaletxean, Fermin Leizaolak tresna batzuei buruz maisu-klase etnografiko bat ere eman zuen. Arin 1958ko urrian ezagutu zuela kontatu zuen, eta 1967ko ekainaren 25ean Ataunen egin zioten omenaldira ere joan zela. Bitxikeria ere oroitu zuen: omenaldia hasi aurretxoan, espreski muntatutako oholtza erori, eta dozena bat apaiz lurrera erori ziren. Inork ez zuen minik hartu. “Florencio Garaialde medikua nuen ondoan, eta hark esan zuen: ‘Apaizgintzako mila urte erori dira lurrera oraintxe’. Bittorrenean bazkaldu genuen gero”.
Juantxo Agirre Aranzadiko idazkari nagusiaren esanetan, Arinentzat “omenaldi onena” atzoko liburu aurkezpena zen, “bere lanak argitaratzea”. Asier Rodriguez alkateak, Ataunentzat halako lanak “onura” direla iritzi zion, eta Karmele Aierbe Kultura zinegotziarentzat esker hitzak izan zituen, osasun arazo batengatik ekitaldira joan ezin zuelako.
Entzuleen artean ziren, besteak beste, Eusko Ikaskuntzako lehendakari Iñaki Dorronsoro eta Lazkaoko Beneditarren Artxibategiko Juan Joxe Agirre. Bi erakundeen funtsetatik hartutako argazki eta agiri ugari erabili ditu Andresek, Arinen idazlan bildumarako. “Lan borobila, duina eta modernoa” geratu dela laburbildu zuen obraren zuzendariak.
Maribel Arin, Fermin Leizaola, Asier Rodriguez eta Jose Alberto Andres, atzo, Ataungo aurkezpenean. /Aimar Maiz
Etnografia liburuaren 300 ale atera dituzte. Atzo saldu zituzten lehenengo aleak, 10 euroan. Aurkezpen ekitaldian, udaletxean, Fermin Leizaolak tresna batzuei buruz maisu-klase etnografiko bat ere eman zuen. Arin 1958ko urrian ezagutu zuela kontatu zuen, eta 1967ko ekainaren 25ean Ataunen egin zioten omenaldira ere joan zela. Bitxikeria ere oroitu zuen: omenaldia hasi aurretxoan, espreski muntatutako oholtza erori, eta dozena bat apaiz lurrera erori ziren. Inork ez zuen minik hartu. “Florencio Garaialde medikua nuen ondoan, eta hark esan zuen: ‘Apaizgintzako mila urte erori dira lurrera oraintxe’. Bittorrenean bazkaldu genuen gero”.
Juantxo Agirre Aranzadiko idazkari nagusiaren esanetan, Arinentzat “omenaldi onena” atzoko liburu aurkezpena zen, “bere lanak argitaratzea”. Asier Rodriguez alkateak, Ataunentzat halako lanak “onura” direla iritzi zion, eta Karmele Aierbe Kultura zinegotziarentzat esker hitzak izan zituen, osasun arazo batengatik ekitaldira joan ezin zuelako.
Entzuleek udaletxeko aretoa bete zuten./Aimar Maiz
Fermin Leizaola, kaikuaren berri ematen. “Euskal herriak egindako berezko tresna bereizgarri bakanetakoa” da./Aimar Maiz
Aranzadiko ikertzaileak eta alkatea, Arin Dorronsororen liburua aurkezten./Aimar Maiz
