Goierriko ekonomia eredua ezagutzera etorri da Txileko ordezkaritza bat
Goierri eskualdeko ekonomia eredua gertutik ezagutzeko helburuarekin etorri da Txileko ordezkaritza talde bat bisitan, Goieki Garapen Agentziaren eta Goierri Valley enpresa sarearen bitartez. Tokiko eredua Txilen aplikatzeko interesgarria izan daitekeelakoan etorri dira Goierriko enpresek duten lan egiteko modua ezagutzera.
Aste hasieratik daude hemen eta aste osoa egongo dira. Bio Bio izena duen eskualdetik datoz. Haien artean, Nacimiento herriko alkatea, tokiko 3 parlamentari, unibertsitate bateko ordezkariak eta baita 11 enpresa desberdinetako ordezkariak ere.
Gaur arratsaldean, Ordiziako Orkli enpresan egon dira, eta bihar, Lortek enpresa bisitatuko dute. Dena den, beste hainbat enpresetan ere izan dira.
