Frantziako Tourreko 10. etapa jokatu dute gaur, Annecy eta Le Grand Bornand artean (158,5 km). Mendiko aurreneko etapa izan da, Alpeetan sartu dira jada, eta Jon Izagirrek egin du aurreneko indar erakustaldia. Tropeletik ihes egin duen 21 laguneko taldean sartu da aurrena; handik atera den zortzikotean gero, eta Julian Alaphilippen lehen erasoaldiari eutsi ez badio ere, atzetik jarraitu dion bakarra izan da Ormaiztegikoa. Belgiarrak bakarka egin ditu azken 20 kilometroak, eta beretzat izan da etapa garaipena. Izagirre 1.34-ra iritsi da, bigarren tokian.
Gorka Izagirre anaia ez da horren ondo moldatu gaurkoan. Ia etapa osoan tropelean joan bada ere, 18 kilometroren faltan, ezin izan dio Sky taldeak jarritako erritmoari eutsi, eta atzera gelditu da.
SAILKAPENA:
- Julian Alaphilippe ……. 04.25
- Jon Izagirre …………….. +1.34
- Rein Taramäe ………….. +1.40
- Greg Van Avermaet ….. +1.44
- Serge Pawels ……………. +1.44
