Larunbateko 3x3 saskibaloi lehiarako izena eman daiteke
Izen-ematea egiteko azken eguna irailaren 13a da, txapelketa 15ean jokatuko da Legazpiko Azokan
Legazpiko Udalak, Andraitz saskibaloi taldearen laguntzarekin, 3×3 saskibaloi txapelketa egingo du datorren larunbatean, irailak 15. Parte hartzeko izen-ematea hilaren 13ra arte egin ahal da.
Senior, kimu (2003an eta 2004an jaiotakoak) eta haur (2005ean eta 2006an jaiotakoak) mailatako taldeak osatuko dira. Talde bakoitzean gehienez federatutako bi jokalarik parte hartuko dute eta jokalari guztiak legazpiarrak izan beharko dira.
Izena ematerakoan 40 euro ordaindu beharko dute taldeko, nahiz eta diru hori txapelketaren amaieran itzuliko zaien. Diru hori Andraitzen kontu korronte batean sartu, eta ordainagiria Bikuña kiroldegiko harreran edo andraitz@gmail.com helbidera bidali beharko da; taldearen izena eta taldekideenak atxikiko dira. Kategoria bakoitzeko bi finalistek sariak jasoko dituzte.
Txapelketa Azokan egingo dute larunbatean, 15:30ean hasita. 
