Mendiburu, Olano eta EiTB omenduko dituzte Lejarretaren omenezkoan
Ramon Mendiburu, Abraham Olano eta EiTB omenduko dituzte igandean, Ordizian jokatuko den IV. Marino Lejarreta Klasikoan. Duela hiru urte ospatu zuen, lehenengoz, Txapel Gorri elkarteak, Ordiziako Udalaren laguntzarekin.
Urtetik urtera, geroz eta gehiago dira parte hartzera animatzen diren kirolariak. Lehenen edizioan, 145 txirrindularik hartu zuten parte, 335 izan ziren bigarrenean, iaz 405 eta aurten 460 txirrindulari gerturatuko dira Ordiziara. Bederatzi talde emakumez osatutakoak izango dira aurten, iaz baino lau gehiago.
Parte hartzaileen artean profesional izandako txirrindulariak daude. Hala nola, Marino Lejarreta eta Abraham Olano (munduko txapelduna eta 47 garaipen izandakoa), Raimund Dietzen (24 garaipen), Pavel Tonkov (35 garaipen eta Italiako Giroa 1996ean), Juanma Garate, Arsenio Gonzalez, David Etxebarria, Jokin Mujika, Ezequiel Mosquera, Roberto Laiseka, Aitor Osa, Martín Perdiguero eta beste hainbat eta hainbat txirrindulari. Zerrenda luzea da, 74 izango baitira profesionalak izandakoak. Bestalde, aurten ere, Serafín Zubiri abeslaria eta David Llaurado, London eta Beijingo para-olinpiadetako txapelduna ere Ordizian izango dira.
Igandean, Gudarien etornbidetik 09:15ean aterako da lehenen boskotea. Izan ere, bosna txirrindulariko 91 taldetan aterako dira; azkena, 12:30ean.
Omenduak
Ramon Mendibururen afixa.
