Arimaz kamera orkestrak hasiera emango dio Azaroan Musika zikloari
Santikutz abesbatzak sustatuta, Arimaz orkestrak etzi joko du parrokian. Goiz Deiak sustatutako ikuskizuna ere hartuko du zikloak, baita Juan Mari Beltranen kontzertu didaktiko bat ere
Zortzi emanaldi hartuko ditu aurtengoan Legazpiko Azaroan Musika zikloak. Etzi hasi, eta azaroaren 25era arte larunbatetan eta igandeetan izango dira kontzertu gehienak. Etzi, Santikutz abesbatzak sustatuta, Tolosako Arimaz Kamera orkestrak joko du Legazpiko parrokian, 19:00etan.
Goiz Deia txistulari taldeak antolatuta, Artxipielagoak ikuskizuna izango da zikloaren hurrengo hitzordua. Azaroaren 10ean, larunbata, 19:00etan, Latxartegi aretoan kantagintza, bertsolaritza, musika eta irudien proiekzioa barne hartzen dituen ikuskizuna eskainiko dute Andoni Egañak, Pello Ramirezek, Ainhoa Garmendiak eta Garikoitz Mendizabalek. Sarrerak bost euroan salduko dituzte.
The Upper Room.
