Lazkaon ekitaldi ugari izango da Gabon aurrean, girotzeko. Ikastolako ikasleek euskal ohiturak erakutsiko dituzte gaur plazan. Elkartasun jaialdia egingo dute arratseanInoiz baino luzeagoak izango dira Lazkaon aurten Gabonak. Abenduaren 12ko arratsean ...
Lazkaon ekitaldi ugari izango da Gabon aurrean, girotzeko. Ikastolako ikasleek euskal ohiturak erakutsiko dituzte gaur plazan. Elkartasun jaialdia egingo dute arratsean
Inoiz baino luzeagoak izango dira Lazkaon aurten Gabonak. Abenduaren 12ko arratsean ka-le argiztapen berezia piztu zen, eta urtarrilaren 13an Astotxo Eguna ospatuta bukatuko dira. Hilabete osoan, denboraz gain, ekitaldi sorta luzeak beteko ditu Lazkaoko kaleak.
Lazkao Txiki musika eskolak herenegun egin zuen Eguberri kontzertua, Arerian. Aretoa entzulez bete zen, ia bi orduko saioa entzuteko.
Haur horiek berberek, kide gehiagorekin eta ikastolaren izenean, gaur beteko dute atzera Areria. Elkartasun Jaialdia egingo dute, emanaldi bikoitzarekin: 17:30ean HH5eko haurrek, eta 18:00etan larriagoek. Betekada ziurtatuta dago, senide, guraso eta etxekoekin bakarrik. Hala, publiko orokorrarentzat ez dute sarrerarik salgai ipiniko.
Aurkezpena gaur egoizean
San Benito ikastolako LH5eko ikasleek, berriz, gaur goizean ere ukitu berezia emango diote plazari. Euskal ohiturak eta folklorea landu dituzte proiektu batean, eta horien aurkezpenak egingo dizkiete herritarrei, taldeka jarrita. Plazan, 10:00etatik 12:00etara ariko dira.
Ruandarekiko elkartasun asteak ere azken txanpa du. Patxi Zubizarretaren ipuin kontaketa eta bart gaueko film emanaldiaren ondotik, argazki erakusketa eta bidezko merkataritzako gaien salmenta geratzen dira. Kultur etxean daude, bihar arte.
Kale girotzen Lazkaon merkatari elkartea ere ari da. Erakusleiho lehiaketan botoa igandera arte eman liteke. Asteazkenean zenbatu, eta ostegunean banatuko dituzte sariak, udaletxean.
Gabon kanpainan, izar batekin identifikatu dituzte dendak.
Datorren astea, bete-betea
Gabonetako astean ere izango da zer ikusia Lazkaon. La Traviata operaren emanaldia (abenduak 27), zesta punta partidak kiroldegian (28), izotz pista plazako frontoian (27tik 30era) eta Caballer etxeko su artifizial musikatuen ikuskizunak (30) eta San Silbestre krosak (31) hornituko dute urte bukaera.
