Gabonetako jaialdia egin dute Korosti dantza taldeko dantzariek Legazpiko Urbeltz pilotalekuan. Jaialdia 18:30ean hasi da eta 20:00etan amaitu da. Haurrek eta helduek, denek izan dute dantza egiteko aukera. Euskal dantza tradizionalak egiteaz gain, euren bertsioetan oinarritutako dantzak ere egin dituzte legazpiarrek.
Jaialdia ikustera joan direnek pilotalekua bete dute: hainbat pertsonak pilotaleku kanpotik ikusi behar izan dute emanaldia. Gabon giroa pizteko ikuskizun aproposa prestatu dute Korosti dantza taldekoek.
