Legorretan autoak gelditu eta lapurretak egiten ari dela ohartarazi dute. Sare sozialetan zabaldu den mezu baten arabera, hainbat lapurreta egin dituzte dagoeneko. Beti metodo bera erabiltzen dute, antza denez; emakume ilehori batek autoa geldiarazten du, eta hizketan hasten da gidariarekin. Segidan, lagundu izana eskertzeko besarkada bat ematen dio, eta bitartean, kartera edo beste baliozko objekturen bat lapurtzeko aprobetxatzen dute. Ez dago argi pertsona bakarrak ala gehiagok parte hartzen duten lapurretetan. Ertzaintzan salaketa jarria dute dagoeneko.
