Oiartzungo eta Lezoko dantzariak nagusi Aurresku Txapelketaren Legazpiko kanporaketan
Aurreko larunbatean jokatu zen Latxartegi aretoan I. Gipuzkoako Aurresku Txapelketaren lehenengo kanporaketa. Aurtengo txapelketaren berritasuna izan da lehenengoz neskak eta mutilak txapelketa berean lehiatu direla. 30 neska-mutilek parte hartu zuten eta Oiartzungo Mattin Etxebestek irabazi zuen D sailean eta Lezoko Mikel Esnaolak B sailean.
Sustraiak dantza taldeak eta Legazpiko Udalak antolatu zuten kanporaketa. Sustraiak taldeko bost dantzari legazpiar igo ziren oholtzara: Amaia Azpeitia, Irantzu Perez, Izaro Velasco, Laia Arruabarrena eta Markel Garmendia. Lan bikaina egin zutela esan dute dantza taldetik, “ikasturtea indar handiz hasi dutela dirudi”.
