Ormaiztegin, DJ Imanolen erritmoan dantzan
Herriko haurrak San Andres eskolako karramarro aretoan bildu dira DJ Imanolen doinuen erritmoan dantza egiteko Ormaiztegin DJ Imanolek giroturiko dantzaldia egin dute San Andres eskolako karramarro aretoan. Festarako, herriko haurrek etxeko mozorrorik dotoreenak jantzi dituzte. DJak modako doinuak jarri orduko hasi dira dantzan bertan bildu direnak, eta giro paregabea sortu dute.
Dantzaldiaren aurretik, San Andres eskolako haurrek inauteriei hasiera emateko jaialdia egin dute. Horren ostean, herri kiroletan lehian aritu dira, eta ondoren, sabela bapo betetzeko moduko askaria egin dute. Udalaren, guraso elkartearen eta herriko eskolaren artean antolatu dute festa.
