Manifestazio jendetsua Legazpiko kaleetan
Matraka Legazpiko Talde Feministak egindako deialdiari erantzunez, ehunka emakumek manifestazioa egin dute gaur Legazpin
Matraka taldeak egindako deialdiari erantzunez, ehunka emakumek manifestazioa egin dute gaur eguerdian Legazpin. Hegialdetik plazara joan dira. Santikutz egoitzan geldialdia egin dute adineko emakumeei berdintasunaren alde egindako lana eskertzeko. Ekitaldiko une hunkigarriena izan da. Plazan kanta bat abestu dute eta deklarazioa irakurri. Ondoren, bazkaria egin dute gizarte zentroan. Iratzarri elkarteari Matraka saria emango diote eta 19:00etan manifestazioa egingo dute, plazatik abiatuta.
Bihar ere ekitaldiak egongo dira. 18:30ean Dama Beltzak eta Kontuz erromeriya! taldeek kontzertua egingo dute eta 21:00etan Comandante Arian dokumentala emango dute Latxartegi aretoan.
