Ana Usabiagak irabazi du Emakumezkoen Tolosako VI. Sari Nagusia
Eustrak-Euskadi taldeko ordiziarra izan da azkarrena Tolosako proban, eta jokoan zen Gipuzkoako Txapela ere irabazi du.
Ana Usabiaga bi besoak jasota, Tolosako helmugan // Argazkia: Tolosaldeko Ataria 
Emakumezkoen Tolosako VI. Sari Nagusia jokatu dute asteburuan eta Irene Usabiaga txirrindulari ordiziarra izan da azkarrena helmugan. Gipuzkoako Txapelketa ere jokoan zegoen, eta horrenbestez, bi tituluak lortu ditu Eustrak-Euskadi taldeko lasterkariak. Nagusien mailan 116 kilometroko proba izan da, Tolosan hasi eta bukatuta. Lasterketa sprintean erabaki da; Usabiagak jaso ditu eskuak helmugan, eta Maria Martinsek eta Nerea Nuñok osatu dute podiuma.
Euskal Herriko emakumezko txirrindulari onenak aritu ziren lehian larunbateko proban. Guztira, 200 lagunek parte hartu zuten; horietatik 80 nagusien eta 23 urtez azpikoen mailan, 70 gazteetan eta beste 50 junior mailan.
