Emakumeen etxea aurkeztu dute
Bukatu dituzte Urola Garaiko Emakumeen Etxea izango dena egokitzeko lanak. Kazetarientzako zabaldu dituzte ateak, zerbitzu berria bertatik bertara ezagutzeko.
Komunikabideek Urola Garaiko Emakumeen Etxea bisitatzeko aukera izan dute, Berdintasun teknikarien eskutik. Urretxuko Pagoeta auzoan dago, haurreskola zegoen tokian. Eraikin nagusian, harrera gela, Berdintasun teknikarien bulegoa, emakume elkarteentzako takilak, bilera gela (liburutegi bezala ere erabiliko da) eta erabilera anitzeko aretoa daude. Itxitako patioan, gimnasia eta ioga gela eta ikastaroetako aretoa daude.
Berdintasun teknikariak maiatza hasieran joango dira bertara lanera. 16:00ak arte egongo dira bertan. Emakume elkarteek txartel bat izango dute eraikinera sartzeko. Emakume guztiei gonbita luzatu diete.
Argazkiak ikusgai Otamotz atarian.
