Urola Garaia Xtreme probako irudi ikusgarriak
Urola Garaia Xtreme mendi bizikleta proba jokatu dute asteburuan Urretxu-Zumarragan. Gattiken etxeak egindako bideoan, irudi ikusgarriak jaso dituzte.
Igoera gogorrak, jaitsiera arriskutsuak, erorikoak eta lokatza. Iaz bezala, aurten ere eguraldiak ez du askorik lagundu, eta euriak eta lokatzak asko zaildu dute 80 kilometroko ibilbidea, eta baita parte hartzaileek egin beharreko lana ere. Urola Garaia Xtreme probak irudi ikusgarriak utzi ditu asteburuan, eta horietako asko ikus daitezke Gattiken ekoiztetxeak egin duen bideoan.
