Joseba Azpiazuren oroimenezko eskubaloi txapelketa jokatuko dute larunbatean
Urola eskubaloi taldeak antolatutako jaialdian, Erromok, Eibarko Haritzak eta Indautxuko Loiolak parte hartuko dute.
Larunbatean Joseba Azpiazuren oroimenezko txapelketa jokatuko da Ispilla kiroldegian. 16:00etan Urolak Erromoren aurka jokatuko du eta 18:00etan Eibarko Haritzak Bizkaiko Loiolaren aurka. Hirugarren posturako partida eta finala hurrengo asteburuan jokatuko dira. Urola finalera sailkatzen bada, finala ostiral arratsaldean izango da.
