Udazkeneko auzolana egin dute Itsason
Aurreko larunbatean Itsasoko hainbat txokotan konponketak eta hobekuntzak egiteko elkartu ziren bertako bizilagunak
Udazkeneko auzolana egin dute Itsasoko bizilagunek asteburuan. Aurrez lan taldeak eta materialak prestatu zituzten eta larunbatean honako lanak egin zituzten udalerrian barrena:
– Sakristi azpiko lokala garbitu eta zoru berria botatzeko prestatu
– Elizatariko eskaileretan irisgarritasuna bermatuko duen ranpa jarri
– Zirkuitu desberdinen seinaleak jartzen jarraitu eta falta diren baserri eta leku izenak ere jarri.
– Alegian, presa inguruan, erreka garbitu
– Alegiako presa inguruan eta San Lorentzon mahaiak eta bankuak kokatu
– Errekatik Uribar artean dauden hesi zaharrak kendu eta alanbreak bildu
– Itsaso eta Alegiako lorategiak txukundu
Lanak amaitu zituztenean elkarrekin afaldu zuten.
