Emakumeenganako indarkeriaren kontra ekintzak Legazpiko ikastetxeetan
Legazpiko hiru ikastetxeetan gaur, azaroak 25, Emakumeenganako Indarkeriaren kontrako ekintzak egiten ari dira ikasleak
Gaur, Legazpiko ikastetxeetan azaroaren 25eko Emakumeenganako Indarkeriaren Kontrako egunaren harira hainbat ekintza egiten ari dira. Olazabal institutuan 11:00etan hasiko da ekitaldi nagusia. Manifestua irakurriko dute ikasleek eta mezuak zintzilikatuko dituzte zuhaitz batean. Kantatu eta dantzatuko dute eta kandelak piztuko dituzte hildako emakumeak gogoratzeko. Domingo Agirre ikastetxe publikoan, bestetik, egun osoan zehar geletan gaia landuko dute ikasleek eta 15:45ean ikastetxeko patioan eskolako komunitatea elkartuko da. Haztegi ikastolan hainbat ekintza egingo dituzte ikasleek mailaka banatuta; ikasle helduenek mikromatxismoei erreparatuko diete bereziki.
