Lemniskatak Youtube bidez eskainiko ditu maiatzeko hitzaldiak
Rosa Errazkin kimikariaren hitzaldia egongo da bihar. Guillermo Quindos mikrobiologoa eta Arturo Elosegi biologoa izango dira datzoen bi ostiraletan.
Lemniskata sarean Youtube bidez eskainiko ditu maiatzeko hitzaldiak. Lehendabizikoa Rosa Errazkinen eskutik Wolframioari buruzkoa izango da Lemniskata zientzia sare herrikoiak Youtube bidez eta zuzenean eskainiko ditu maiatzeko zikloko hitzaldiak. Bihar izango da lehen hitzaldia, 19:00etan, Lemniskataren Youtubeko kanalean. Gainera, nahi duenak galderak egiteko aukera izango du. Horretarako, lemniskatasarea@hotmail.com helbidera bidali behar dira aldez aurretik.
Rosa Errazkin kimikaria izango da biharko protagonista. Bergarako Laboratorium museoko zuzendariak Wolframa, Elhuyar eta Bergara, euskal hirukote zientifikoa hitzaldia eskainiko du: “Wolframa elementu kimiko estrategiko bat da, eta Bergaran topatu zuten. Halere, Euskal Herrian inork gutxik ezagutzen du aurkikuntza honen historia”, aipatu du Errazkinek. Hitzaldian XVIII. mendeko testuingurua kokatuko du, Elhuyar anaiek aurkikuntza garatzeko egindako prozesua azalduko du, Wolframak dituen propietateak eta erabilerak azaleratu… “Kultura zientifikoa izatea oso garrantzitsua da gizartearen garapenerako, eta dibulgazioa behar beharrezkoa da horretarako”. Bitxikeria modura esan, Wolframa dela bi izen dituen taula periodikoko elementu bakarra: “Hitzaldian aipatuko dut zergatik dituen bi izen eta zergatik euskaldunok Wolframa erreibindikatu behar dugun”, aurreratu du.
Datorren ostiralean, hilak 15, Guillermo Quindos EHUko Mikrobiologiako katedradunak El nuevo coronavirus después de la pandemia hitzaldia eskainiko du. Eta zikloa borobiltzeko, Arturo Elosegi EHUko Landareen biologia eta ekologia saileko katedradunak Euskal ibaien kontserbazioa.
| Eguna: | Ordua: | Hizlaria: | Hitzaldia: |
| Maiatzak 8 | 19:00 | Rosa Errazkin | Wolframa, Elhuyar eta Bergara, euskal hirukote zientifikoa |
| Maiatzak 15 | 19:00 | Guillermo Quindos | El nuevo coronavirus después de la pandemia |
| Maitzak 22 | 19:00 | Arturo Elosegi | Euskal ibaien kontserbazioa |
| Emaladiak Lemniskataren Youtubeko kanalean eta galderak lemniskatasarea@hotmail.com helbidean | |||
