Lehenengo lasterketa birtualean parte hartu dute Aritz Egeak eta Ainhoa Sanzek
50 egun konfinaturik igaro ondoren eta aste bete kalean kirola egiten jardunda, Salomonek bost kilometroko aldi bereko lasterketa antolatu du.
Aritz Egeak eta Ainhoa Sanzek Salomonek antolatutako ‘Desconfina viRace’ lasterketan parte hartu dute. Aplikazio baten bidez korrikalariek aldi berean bost kilometroko bidea bete dute. Hiru irteera ordu jarri dituzte lasterketan parte hartzeko: 8:00, 9:00 eta 20:30. Gainera, aplikazioari esker korrika egiten zuten bitartean sailkapenaren berri izan dute une oro.
Aritz Egeak 16 minututan amaitu du bost kilometroko ibilbidea. Ainhoa Sanzek berriz 20 minutu behar izan ditu erronka betetzeko.
