San Adriango igarobideko indusketak zuzenean ikusteko ibilaldia antolatu du Anduetza parketxeak uztailaren 25ean
San Adrianen indusketa arkeologikoa ikusiko dute bisitariek zuzenean eta azken aurkikuntzen berri izango dute.
Anduetza parketxeak antolatuta, San Adriango igarobidean dauden indusketa arkeologikoak ikusteko aukera izango dute herritarrek uztailaren 25ean. Bertan azken aurkikuntzen berri emango dute, eta igarobidearen historia ere izango dute mintzagai.
Aldaola aparkalekutik irtengo dira 10:00etan. Adin guztietako herritarrentzako txangoa da, eta pertsonako 5 euro ordaindu behar dute interesdunek. Izena emateko 943 80 21 87 zenbakira deitu edo anduetza@gipuzkoanatura.eus helbidera idatzi behar dute.
