Ana Usabiaga ordiziarra Euskadiko txapeldun errepidean

Paula Suarez gasteiztarrak jantzi du txapela 23 urtez azpikoetan, eta Idoia Eraso eta Nahia Imaz nafarrek junior eta kadeteetan

Goierriko Hitza

Segura

2020/08/02

Ana Usabiaga (Eustrak-Euskadi) txirrindulari ordiziarra da errepideko Euskadi txapeldun berria, eta horrenbestez, baita Gipuzkoako txapeldun berria ere, bi txapelketak baitzeuden jokoan gaur Seguran jokatu den proban. 23 urtez azpiko eta elite mailako proban lehiatu da Usabiaga ahizpetan zaharrena. Zazpigarren sartu da helmugan Sandra Alonso irabazlearengandik 44 segundora, baina lehen euskalduna bera izan denez, hark jantzi du txapela. 23 urtez azpikoetan Paula Suarez (Laboral Kutxa) gasteiztarrak jantzi du txapela, juniorretan Idoia Erasok eta kadetetan Nahia Imazek, azken bi hauek Ermitagaña taldeko nafarrak.

Kadeteek 28,5 klilometroko ibilbidea osatu behar izan dute eta 82,6 kilometrokoa gainontzeko hiru mailetakoek. Lehenek behin igo behar izan dute Lierniko gainera, eta proba luzekoek 4tan. Bi probak esprintean erabaki dira. Segurako Txirrindulari Elkarteak antolatu du proba, eta COVID-19ak eraginda, helmugan herri sarreran jarri behar izan dute eta sari banaketa udaletxean izan da.

ELITE, 23 URTEZ AZPIKO eta JUNIOR MAILA

Sailkapen orokorra

1. Sandra Alonso (Women Cycling Sport)…..02:17:13

2. Sara Martin (Sopela Women’s Team)…….02:17:13

3. Agnieta Francke (Belori Vipeq Team)…….02:17:13

7. Ana Usabiaga (Eustrak-Euskadi)………….02:17:57

13. Paula Suarez (Laboral Kutxa)……………02:18:16

19.Idoia Eraso (Ermitagaña)………………….02:18:38

Euskadiko txapeketa (elite maila)

1. Ana Usabiaga (Eustrak). Gipuzkoako txapeldun ere bai.

2. Enara Lopez (Casa Dorada)

3. Ainara Elbusto (Casa Dorada)