Larraondo Zerrategira eta Aizpeako meategira bisita gidatua bihar
Zeraingo turismo bulegoak Larraondo zerrategi hidraulikora eta Aizpeako meategira bisita gidatua antolatu du bihar 11:30tan
Larraondoko zerrategi hidraulikoa // A.Garmendia Larraondo zerrategi hidraulikora eta Aizpeako meategira bisita gidatua egiteko aukera egongo da bihar goizean Zerainen. Bisita gidatua 11:30etan hasiko da herriko plazatik eta zerrategira joango dira lehenbizi. Han 1890. urtean erreka ondoan eraikitako zerrategi hidraulikoa ikusi eta honi buruzko azalpenak entzuteko aukera izango dute bisitariek. Honen ostean meagintzaren aztarna interesgarri ugari gordetzen dituen Aizpeako meategiraino gerturatuko dira.
Aldez aurretik izena ematea ezinbestekoa da turismobulegoa@zerain.eus posta elektronikora idatzita edota 943 80 15 05 telefono zenbakira deituz. Gogorarazi abuztuaren 22-23 eta 29-30eko asteburuetan ere bisita gidatu hau egiteko aukera egongo dela.
