Maddi kantariak kontzertua egingo du etzi, Oiangun
Ordiziarrock Ekintzak taldeak antolatuta, ataundarrak bakarkako saioa egingo du ostegun honetan, Oianguko kanpoko tabernan
Koronabirusak eragindako zailtasunak gorabehera, Ordiziarrock Ekintzak taldeak kontzertuak eta kultur ekitaldiak antolatzen jarraitzen du. Ostegun honetan, Maddi kantariaren saioa izango dute Oiangun. Ataundarrak bakarkako saioa egingo du, gitarra eta baxua lagun dituela. Emanaldia 19:00etan izango da, Oianguko kanpoko tabernan.
