Kadete mailako txirrindulari proba larunbatean
Segurako Txirrindulari Elkarteak antolatutako proba larunbat arratsaldean izango da. Zegaman, Zerainen, Idiazabalen, Olaberrian, Ormaiztegin eta Mutiloan barrena ere ibiliko dira txirrindulariak.
Segurako Txirrindulari Elkarteak antolatuta, kadete mailako txirrindulari lasterketa egingo dute larunbatean, urriaren 10an, Seguran, 16:00etan hasita. 46 kilometroko proba izango da. Seguratik irtenda, Zegamatik, Zeraindik, Idiazabaldik, Olaberriatik, Ormaiztegitik eta Mutiloatik pasatuko dira txirrindulariak, eta Segurara itzuliko dira helmugara.
