Ampo Ordiziak Les Abelles talde valentziarra hartuko du Altamira zelaian
Altamira zelaian garaipena lortzen saiatuko da Ampo Ordizia sailkapeneko lehen postuetan mantentzeko. Igandean jokatuko dute Les Abellesen aurka, 12:00etan
Gabonetako etenaldiaren ondoren, goren mailako errugbia Altamirara itzuliko da igandean, 12:00etan, Ampo Ordizia eta Les Abelles valentziarren arteko lehiarekin. Ordiziarrak sailkapeneko bosgarren postuan daude 19 punturekin eta Les Abelles taldea berriz, zazpigarren postuan dago, U.E. Santboiana eta C.R. Cisneros taldeekin berdinduta 10 punturekin.
Momentu honetan titulua lortzeko borrokatuko diren taldeen eta jaitsiera saihesteko borrokatuko den seikotearen artean 8 puntuko aldea dago. Asteburuko jardunaldiak egoera hori erabat argituko du, bi taldetxoen etorkizuna finkatuz. Horrexegatik jokoan dauden puntuak benetan garrantzitsuak dira, jaitsiera postuetatik urrun egoteko. Gauzak horrela, Iñigo Marotisen mutilak, garaipenaren bila aterako dira zelaira
