Hogei kasu gehiago agertu dira, horietatik 17 Beasainen
Herririk gehienetan kasu berririk agertu ez bada ere, Beasainek igoera handia izan du, 17 positibo berrirekin. Olaberrian eta Zerainen ere agertu dira.
Ezohiko datuak utzi ditu Osasun Sailaren gaurko txostenak. Goierriko 22 herrietatik 19tan ez dute kasu bakar bat ere jaso; gainontzeko hiru herrien artean, berriz, 20 positibo daude.
Beasaingo egoera da kezkagarriena, 20 kasu horietatik 17 bertan agertu baitira. Azken egunetan etenik gabe ari da Beasaingo kasu kopurua igotzen, baina azken asteetako igoerarik handiena izan da gaurkoa. Positibo tasa ere 677,56ra igo da, eta ostalaritza zabaltzeko aukera urrun ikusten da oraindik.
Gainontzeko herri handietan ez da kasu berririk agertu, eta horren ondorioz, positibo tasak ere behera egin du. Lazkaok du altuena (479,40), nahiz eta 500eko mugaren azpitik dagoen. Ordizian beheraka jarraitzen du (317,78). Eremu horian daude Legazpi (178,38), Urretxu (146,43) eta Zumarraga (234,19).
Herri txikien artean, Olaberrian (2) eta Zerainen (1) agertu dira kasu berriak. Bietan ere, positibo tasa 500eko mugaren oso gainetik dago: Olaberrian 1199,56, eta Zerainen 1094,89. Azken honetan gainera, astebetean hiru kasu berri erregistratu dituzte, eta horrek eragina izan lezake ostalaritzako datuen hurrengo berrikusketan.
Tasa horri dagokionean, 500eko mugaren gainetik jarraitzen du Ataunek (744,13) ere, eta mugaren azpitik baina gertu daude Zaldibia (482,51) eta Idiazabal (462,18).
Iazko martxoan osasun krisia hasi zenetik, Goierrin 4.083 COVID-19 positibo kasu izan dira.
| 01/07 | DENERA | ||
| Altzaga | 0 | 4 | |
| Arama | 0 | 17 | |
| Ataun | 0 | 105 | |
| Beasain | 17 | 953 (+17) | |
| Ezkio eta Itsaso | 0 | 17 | |
| Gabiria | 0 | 10 | |
| Gaintza | 0 | 9 | |
| Idiazabal | 0 | 80 | |
| Itsasondo | 0 | 29 | |
| Lazkao | 0 | 254 | |
| Legazpi | 0 | 361 | |
| Legorreta | 0 | 97 | |
| Mutiloa | 0 | 7 | |
| Olaberria | 2 | 42 (+2) | |
| Ordizia | 0 | 881 | |
| Ormaiztegi | 0 | 56 | |
| Segura | 0 | 90 | |
| Urretxu | 0 | 311 | |
| Zaldibia | 0 | 119 | |
| Zegama | 0 | 97 | |
| Zerain | 1 | 6 (+1) | |
| Zumarraga | 0 | 530 (+5) | |
| GOIERRI | 20 | 4.083 (+20) |
