Asteburuak beste 62 positibo kasu utzi ditu Goierrin
Tabernek itxita jarraituko dute Beasainen, Lazkaon eta Olaberrian. Ataunen atzera zabaldu egingo dituzte, eta Zegaman itxi.
Elurrak eta asteburuak ez dituzte koronabirusaren datuak jaitsiarazi. Osasun Sailaren arabera, beste 62 positibo jaso dituzte eskualdean azken hiru egunetan, 23 ostiralean, 27 larunbatean eta beste 12 igandean. Beste behin ere, Beasain da kasu gehien dituena, 25 positiborekin.
Mila kasura gerturatzen ari da Beasainen, eta ez dute inzidentzia tasa 500etik jaisterik lortzen; une honetan 763,14koa da. Legazpik eta Zumarragak zortzina kasu gehiago dituzte, Ordiziak bost, eta Lazkaok eta Urretxuk hiruna. Lazkaok ere 500eko muga gainditzen du, ozta-ozta bada ere, 514,91eko portzentaiarekin.
Herri txikiagoen artean Zegama da daturik okerrenak izan dituena, bost kasu berrirekin. Idiazabalek bi ditu eta Aramak, Ormaiztegik eta Zerainek bana.
Iazko martxoan osasun krisia hasi zenetik, Goierrin 4.545 COVID-19 positibo kasu izan dira.
Tabernen itxieran aldaketak
Tabernen itxieraren txostenari dagokionean, aldaketa batzuk izango dira gaurtik aurrera. Beasainen eta Lazkaon ostalaritzak itxita jarraituko du oraingoz. Baita Olaberrian ere, asteburuan kasu berririk izan ez badute ere, tasa oraindik 1199,56ekoa baita. Zerrendatik atera dena Ataun izan da; tasa 686,89ekoa bada ere, aste osoan positibo kasu bakarra izan dutelako. Kontrako aldean dago Zegama; asteburuan bost kasu gehiago agertu dira, eta 591,72era igo da inzidentzia. Hori dela eta, gaurtik aurrera itxi egin beharko dituzte herriko tabernak.
| 01/08 | 01/09 | 01/10 | DENERA | |
| Altzaga | 0 | 0 | 0 | 4 |
| Arama | 0 | 0 | 1 | 18 (+1) |
| Ataun | 0 | 0 | 0 | 105 |
| Beasain | 7 | 12 | 6 | 978 (+25) |
| Ezkio eta Itsaso | 0 | 0 | 0 | 17 |
| Gabiria | 0 | 0 | 0 | 10 |
| Gaintza | 0 | 0 | 0 | 9 |
| Idiazabal | 1 | 1 | 0 | 82 (+2) |
| Itsasondo | 0 | 0 | 0 | 29 |
| Lazkao | 1 | 2 | 0 | 257 (+3) |
| Legazpi | 3 | 3 | 2 | 369 (+8) |
| Legorreta | 0 | 0 | 0 | 97 |
| Mutiloa | 0 | 0 | 0 | 7 |
| Olaberria | 0 | 0 | 0 | 42 |
| Ordizia | 3 | 1 | 1 | 886 (+5) |
| Ormaiztegi | 0 | 0 | 1 | 57 (+1) |
| Segura | 0 | 0 | 0 | 90 |
| Urretxu | 0 | 2 | 1 | 314 (+3) |
| Zaldibia | 0 | 0 | 0 | 119 |
| Zegama | 2 | 3 | 0 | 102 (+5) |
| Zerain | 1 | 0 | 0 | 7 (+1) |
| Zumarraga | 5 | 3 | 0 | 538 (+8) |
| GOIERRI | 23 | 27 | 12 | 4.545 (+62) |
