Ilintxak bere samina agertu du klubeko Jon Zubizarretaren heriotzaren aurrean
Legazpiko Ilintxa futbol elkarteak bere samina adierazi du klubeko kide zen Jon Zubizarretaren heriotzaren aurrean. Zubizarreta atzo zendu zen, eta Ilintxak honako hitz hauek eskaini dizkio: “Jokalari, entrenatzaile, beti laguntzeko prest, ez dugu inoiz ahaztuko Ilintxari emandako guztia. Mila esker, bihotz-bihotzez”.
Zubizarreta, besteak beste, mutil jubenilen taldeko ordezkaria izan zen 2019-20 denboraldian. Argazkian taldekide guztiez inguratuta ikus daiteke; erdiko ilaran, bosgarrena da eskuinetik hasita.
