Goierrik bost mila kasuen langa gainditu du eta Urretxu eremu gorrian sartu da
Asteburuan 84 kasu atzeman ditu Osasun Sailak Goierrin. Zumarragan, Urretxun eta Seguran asko igo da positibo berrien kopurua. Ordizian eta Zumarragan bezala, Legazpin eta Urretxun ere itxi egingo dute ostalaritza.
Koronabirusaren pandemia hasi zenetik urtebetera, bost mila kasuen muga pasa du gaur Goierrik. Osasun Sailaren arabera, 84 positibo izan dira asteburuan, eta iazko martxotik hona, 5.023 dira metatutako kasuak. Asteburuko datuei erreparatuta, Zumarragan (25), Seguran (17) eta Urretxun (12) agertu dira kasu berri gehienak.
Zumarraga (885,86) Legazpi (523,25) eta Ordizia (546,18) eremu gorrian zeuden orain arte, eta hala jarraituko dute oraingoz. Gainera, asteburuko igoeraren ondotik Urretxu ere eremu horretan sartu da, 527,16-ko tasarekin. Beasain (378,00) eta Lazkao (284,09) dira, bost mila biztanletik gorako herrien artean, libratzen direnak.
Herri txikiagoen artean, aipamen berezia merezi du Segurak, asteburuan 17 positibo atzeman baitituzte; tasa ere izugarri igo da, 2022,18raino. Mutiloak (784,31), Ormaiztegik (783,70), Zerainek (729,93) ere gainditzen dute eragin tasaren 500eko muga. Hiru herri horiek hartzen dituen Beasaingo osasun eremua, ordea, eremu laranjan (481,11) dago, eta momentuz behintzat, ez zaie ostalaritza ixteko neurririk aplikatuko.
Iazko martxoan osasun krisia hasi zenetik, Goierrin 4.939 COVID-19 positibo kasu izan dira.
| 01/29 | 01/30 | 01/31 | DENERA | |
| Altzaga | 0 | 0 | 0 | 4 |
| Arama | 0 | 0 | 0 | 18 |
| Ataun | 2 | 0 | 1 | 110 (+3) |
| Beasain | 1 | 1 | 2 | 1.059 (+4) |
| Ezkio eta Itsaso | 0 | 0 | 0 | 18 |
| Gabiria | 0 | 0 | 0 | 10 |
| Gaintza | 0 | 0 | 0 | 9 |
| Idiazabal | 0 | 0 | 0 | 87 |
| Itsasondo | 0 | 1 | 0 | 35 (+1) |
| Lazkao | 1 | 2 | 1 | 284 (+4) |
| Legazpi | 0 | 2 | 2 | 425 (+4) |
| Legorreta | 0 | 0 | 0 | 103 |
| Mutiloa | 1 | 0 | 0 | 9 (+1) |
| Olaberria | 0 | 1 | 0 | 47 (+1) |
| Ordizia | 3 | 0 | 1 | 950 (+4) |
| Ormaiztegi | 2 | 0 | 1 | 69 (+3) |
| Segura | 6 | 2 | 9 | 123 (+17) |
| Urretxu | 4 | 4 | 4 | 361 (+12) |
| Zaldibia | 0 | 0 | 0 | 129 |
| Zegama | 3 | 0 | 0 | 107 (+3) |
| Zerain | 0 | 1 | 1 | 9 (+2) |
| Zumarraga | 2 | 7 | 16 | 646 (+25) |
| GOIERRI | 25 | 21 | 38 | 5.023 (+84) |
