Gernikako aparkalekutik ezkerretara irten daiteke
Orain arte Barrendain plazaruntz irten behar zen. Geltokiaren parean norabidez ezin denez aldatu, ibilgailuek Mendeurren etorbideraino joan behar zuten
Gernikako aparkalekutik Zaldizurretako biribilgunerantz zuzenean joan daiteke. Udalak ezkerretara biratzeko aukera ahalbidetu du. Horretarako, irteeraren parean ispiluak jarri dira ikusgarritasuna handitzeko eta seinalizazioa ere egokitu da. Udalak arretaz gidatzeko eskatu du, edonola ere.
Eskuinetara irten behar zen nahitaez orain arte. Gainera, tren geltoki pareko biribilgunearen alde bat abenduan itxi zutenetik ezin zen norabidez aldatu. Ondorioz, ibilgailuek Nafarroa etorbidetik Mendeurren etorbideraino joan beharra zuten norabidez aldatzeko. Aldaketarekin 750 bat metro eta bost minutu inguru aurreztuko dira eta herrigunean autoek denbora gutxiago igaroko dute, isuri gutxiago igorriz.
