Animazioaren txanda da zineklubean
Josep film frantziarra eskainiko dute otsaileko zineklubean. Bihar izango da emanaldia, 19:00etan, Usurbe antzokian
Josep animaziozko film frantziarra eskainiko du bihar, 19:00etan, Goieniz zineklubak. 1939. urteko otsailean kokatutako film dramatikoa da. Josep Bartoliren bizitza kontatzen du, Francoren diktaduraren aurka marrazkiak egiten borrokatzen duen artista bat. Gainera, Frantziako gobernuak kontzentrazio esparru batean atxikituta du. Hesiaren bestaldean dagoen beste gizon baten adiskidea egingo da bertan.
Aurel zuzendari frantziarrak gidatutako lana da. Sari potoloak jaso ditu, tartean, 2020. urteko Europako animaziozko filmik onenarena.
