Goierri Gorrik bolada txarra eten du
Sestao 0 eta 2 menderatu zuten, jaitsiera ekiditeko ligako lehen partidan. Halere, oraindik jaitsiera postuetan jarraitzen dute, bi partida gutxiagorekin. Urtarrilean irabazi zuten azken partida
Goierri Gorrik Sestao 0 eta 2 menderatu zuen asteburuan. Carrascok egin zuen lehen gola, atsedenalditik itzuli berritan. Ongi eutsi zioten errentari. Gainera, azken 20 minutuak jokalari bat gutxiagorekin jokatu zituzten. Intxaustik egin zuen bigarren gola, partidaren hondarrean.
Garaipen garrantzitsua da. Alde batetik, sei partidetako bolada txarra eteten duelako. Urtarrilaren 17an lortu zuten azken garaipena; eta bestetik, bigarren faseko lehen partida zelako. Ligako lau txarrenek maila galduko dute, eta aurreko faseko puntuak kontuan hartu direnez, Goierri Gorrik atzetik aurrerako lanak egin behar ditu. Oraindik jaitsiera postuetan daude, baina gertuago dituzte salbaziorako postuak. Puntu bakarrera kokatu dira, bi partida gutxiagorekin.
| Sailkapena: | |||
| J.P. | Puntuak | ||
| 1. | Alaves | 17 | 21 |
| 2. | Pauldarrak | 16 | 21 |
| 3. | Oiartzun | 17 | 17 |
| 4. | Hernani | 15 | 16 |
| 5. | Sestao | 17 | 15 |
| 6. | Goierri Gorri | 15 | 14 |
| 7. | Lakua | 15 | 12 |
| 8. | Aurrera | 15 | 11 |
| 9. | Barakaldo | 17 | 2 |
