Ampo Ordiziak galdu egin du Alcobendas liderraren aurka
21-14 galdu du errugbi talde goierritarrak. Oier Goiak ehungarren partida jokatu du. Elastiko berri beltzarekin jokatu dute gaurko partida.
Ampo Ordizia errugbi taldeak 21-14 galdu du Madrilen, Alcobendas liderraren aurka.Hirugarren minutuan Valentin Cruzen ostikoari esker 0-3 irabazten hasi badira ere, hiru minutuago beste zigor golpe batekin markagailua berdindu dute madrildarrek eta 12. minutuan 6-3 aurretik jartzea lortu dute. Handik aurrera eta amaierara arte, beti aurretik izan dira Alcobendasekoak: 14-3, 14-11, 21-11 eta 21-14.
Oier Goia jokalari idiazabaldarrak ehungarren partida jokatu du Ordiziako taldearekin.
Bestalde, ekipazio berriarekin aritu dira gaur ordiziarrak: zenbaki gorridun elastiko, praka eta galtzerdi beltzekin.
