KORONABIRUSA

Goierri behean behera egin dute datuek, goiko herrietan gora

Osasun Sailaren arabera 50 kasu gehiago agertu dira Goierrin, erdiak baino gehiago Legazpin, Urretxun eta Zumarragan. Hamasei herri daude 400eko tasaren gainetik.

Goierriko Hitza

Goierri

2021/04/20

Gorabehera askorekin jarraitzen dute koronabirusaren datuek eskualdean. Goierri behekaldeko herrietan behera egin dute datuek nabarmen. Goierri garaian dago, ordea, fokua une honetan; kasuen erdiak baino gehiago Legazpin, Urretxun eta Zumarragan agertu dira.

Legazpi da, gaur ere, positibo berri gehien dituen herria, beste 21 kasurekin. Urretxun (10) eta Zumarragan (9) ere kasu berri ugari dituzte. Datu apalagoak dituzte gainontzeko herrietan: Lazkaon 5, Ordizian 2, eta bana Beasainen, Ezkio-Itsason eta Olaberrian.

Eragin tasari dagokionean, hamasei herrik gainditzen dute 400eko langa. Zaldibiak, Itsasondok, Legazpik, Altzagak eta Ataunek dute tasarik altuena, denak ere, milatik gora baitaude.

Iazko martxoan osasun krisia hasi zenetik, Goierrin 6.936 COVID-19 positibo kasu izan dira.

	04/19	DENERA	TASA
Altzaga	0	8	1639,34
Arama	0	18	0
Ataun	0	185	1087,58
Beasain	1	1.497 (+1)	570,57
Ezkio eta Itsaso	1	36 (+1)	788,64
Gabiria	0	22	1754,39
Gaintza	0	10	877,19
Idiazabal	0	137	168,07
Itsasondo	0	65	1923,08
Lazkao	5	506 (+5)	603,69
Legazpi	21	749 (+21)	1795,70
Legorreta	0	158	738,26
Mutiloa	0	15	0
Olaberria	1	68 (+1)	763,36
Ordizia	2	1.228 (+2)	427,01
Ormaiztegi	0	104	391,85
Segura	0	187	260,93
Urretxu	10	557 (+10)	995,75
Zaldibia	0	291	2110,98
Zegama	0	176	723,21
Zerain	0	13	364,96
Zumarraga	9	906 (+9)	906,22
GOIERRI	50	6.936 (+50)